له به‌ياننامه‌ى حكومه‌ت هه‌رێم ئه‌را(شه‌فه‌ق نيوز)ئه‌وه ده‌ركه‌فت ك دوياى بڵاوكردنه‌وه‌ى ئه‌و راپۆرت ساڵانه ك بڕێگ خاڵ له‌باوه‌ت بار هه‌رێم گرتوێه خوه‌ى وه‌تايبه‌ت مه‌سه‌له‌ى جه‌نگ دژ داعش، ليژنه‌ى ناوبرياگ جواو ئه‌و راپۆرت ناوده‌وڵه‌تى داسه‌و له‌بان ئه‌و خاڵه‌يله.
جى باسه، به‌ياننامه‌گه له زووان ديندار زێبارى سه‌رۆك ليژنه‌گه وت: ئازادى ره‌سانن و گوزارش وه گووره‌ى ياسا كه‌فيله ئه‌را گشت تاكه‌يل كومه‌ڵگاى كوردستانى و ده‌يه‌ها گووڤار و رووژنامه‌و و ويستگه‌يل ئيزگه‌يى و ته‌له‌فزيۆنى موڵه‌ت ديرن وه گووره‌ى رينمايى تايبه‌ت و گشت مافه‌يل رووژنامه‌نويسه‌يل و ره‌ساننكاره‌يليش له هه‌رێم مقه‌يه‌تى كرياگه.
جى باسه، زێبارى له‌باوه‌ت به‌سانن هه‌ردوگ كه‌ناڵ KNNوNRT له هه‌ولێر وت: ده‌زگايه‌يل ئاسايشى وه‌بوونه‌ى بار ئاسايشه‌و خواست ئه‌و هه‌ردوگ كه‌ناڵه بووه‌سێد وه‌شيوه‌يگ وه‌ختى و ئيسه‌يش ئه‌و كه‌ناڵه‌يله له باقى شاره‌يل تر هه‌رێم كاره‌يل خوه‌يان ئه‌نجام ئه‌يه‌ن و ته‌نانه‌ت له هه‌ولێريش له حاڵ حازر، يه‌يش بيجگه جواودانه‌وه‌ى ئه‌و ريكخرياگه له‌بان خاڵه‌يل تر.