عه‌بدولڕه‌حمان له كۆنگره‌يگ رووژنامه‌گه‌ری له سلێمانی ك(شه‌فه‌ق نيوز)ئاگاداری بوی، وت: هه‌رێم كوردستان له قه‌يرانيگ راسكانی دارايی ژيه‌يد و هه‌قه‌يل وزاره‌ت پێشمه‌رگه له ساڵ ٢٠٠٧ تائيسه بڕ ١١ تريليۆن و ٥١٣ مليار ديناره‌و حكومه‌ت ناوه‌ندی تائيسه ره‌وانه‌ی نه‌كردگه.
عه‌بدولڕه‌حمان هه‌ميش وت: حكومه‌ت ناوه‌ندی له‌ساڵ ٢٠١٤ ته‌نيا چوار پويل ره‌وانه كردگه، يه‌كه‌ميان له مانگ يه‌كه‌م وه بڕ ٥٦٦ مليار دنار و مانگ دويه‌ميش وه بڕ ٥٤٨ مليار و له مانگ ده‌يه‌م وه بڕ ٥٨٣ مليار و دوياجاريش له مانگ يانزه وه بڕ ٥٨٣ مليار دينار، ك گشت ئی پويله ره‌سيه تريليۆنيگ و ٢٨٠ مليار دينار له‌وه‌ختيگ ك به‌ش هه‌رێم له ساڵ گوزه‌يشت ١٨ تريليۆن و ٢٨٠ مليار دينار بوی.
ج . أ