شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، پيشوازى كرد له‌ ياسين ياسرى وه‌زير ناوخوه‌يى عراقى و شاند ياوه‌رێ.

وه‌گووره‌ى به‌ياننامه‌ى بارزانى ئه‌را شه‌فه‌ق نيوز، ياسرى له‌و دانيشتنه‌ خوه‌شاڵى خوه‌ى ده‌رخستگه‌ وه‌ بارودوخ خاس ئيسه‌ى ناونى هه‌رێم كوردستان و به‌غدا و ئاماژه‌ وه‌ وجوود له‌يه‌كڕه‌سينه‌وه‌ى خاسيگ كردگه‌ له‌ناونى هه‌ردوگ وه‌زاره‌ت ناوخوه‌يى ناوه‌ند و هه‌رێم كوردستان.

به‌ياننامه‌گه‌ يه‌يش ده‌رخست ك هه‌ردوگلا له‌و ديداره‌ باس له‌ مه‌سه‌له‌ى وه‌ناوچگن گه‌شتياره‌يل عراقى ئه‌را هه‌رێم كرياگه‌و ئه‌و باجه‌ ك بڕ 10 هه‌زار ديناره‌ ك له‌وه‌ر خاتر زه‌مان مقه‌يه‌تيكردن ئاسايش بويه‌ له‌ هه‌رێم كوردستان و ئه‌و باجيشه‌ گشت هاووڵاتيه‌يليگ له‌گشت نه‌ته‌وه‌يگ گرته‌سه‌و نه‌ك ته‌نيا نه‌ته‌وه‌يگ و ئه‌و ميكانيزميشه‌ ناوه‌گه‌ى ئاڵشت ئه‌كريه‌ێد ئه‌را "زه‌مان ئه‌منى"و وه‌رگرتن ئه‌و باجيشه‌ له‌ 1 ئه‌يلول ئاينده‌وه‌ لاوريه‌ێد.