كفاح مەحمود، له‌وباره‌وه وت: جه‌نگ هەرێم كوردستان دژ وه ڕێكخرياێ دەوڵەت ئسلامی(داعش)، وەردەوامی جه‌نگ ڕێكخرياێ و ڕژيمەيل فاشیستە ك دژ كورد و نیشتمانەگەێ و وجوود كورد بوين.
وتیش: ئی جه‌نگيشه كەفتن و هەڵسيانه‌وه‌و سەركەفتن و دەسكەفت دێرێ جوور گشت جه‌نگێگ تر، لايه‌سە بزانیمن ڕێكخرياێ داعش وجوود كوردو دامەزراوە دەستوری و یاساییەگان كورد كردگەسە ئامانج، ئەوەگ ئی جه‌نگە بەرهەمێ تێرێ ئەوەسە ك سنوور خوين ئەو شەهیده‌يلە كيشێ ك وەرگری لە بيرۆكه‌ێ سەروەخۆیی كوردستان و دروسكردن دەوڵەت كوردی كردنە.
ڕاوێژكار ميديايی نويسینگەێ سەرۆك هەرێم، جه‌ختيش كردەو: دەوڵەته‌یل هاوساێ هەرێم هس وەوە كردنە ك كیانێگ ئیجابی و ئابووریيگ سەروەخوه‌ێ، خاسترین هاوساس ئه‌ڕایان، وەتایبەتی ك لەدريژایی مێژوو تام دیكتاتۆریەت و نازیەت چەشينە.