ئاماده‌ كردن ئه‌و كتاوه‌ شه‌ش ساڵ درێژه‌ كیشاس و ساڵگیش وه‌خت ئه‌ڕا چاپ بردگه‌ تا له‌ بازاره‌یل نمایش كریاگه‌ و چه‌ن ڕوژ له‌ێه‌ووه‌ر ئه‌ڕا (150)هه‌مین جار چاپ كریا ئه‌ویش وه‌گوره‌ێ سایت یانه‌ێ ڕوژنامه‌ نوێسه‌یل ئیرانی ، وئی كتا وه‌ ركورد شكانگه‌ له‌ هه‌ردو بوار چاپ و فروش .
خانم حوسه‌ینی له‌ كتاوه‌گه‌ێ ك چه‌ندین خه‌ڵات وه‌ده‌س ها وردگه‌ ، ته‌قالا كردگه‌ ناسنامه‌ێ كوردی خوه‌ێ وه‌شێوه‌ێ ڕه‌ینێگ به‌رجه‌سته‌ بكا و ه‌تایبه‌ت ك كتاوه‌گه‌ وه‌زوانه‌یل فارسی و توركی "ئوردو" و ئنگلیزی و وه‌ناو نیشانێگ كوردی وه‌ناو " دا" چاپ كریاگه‌.
ناودارترین ده‌رهاوه‌ره‌یل سینه‌ماێ ئیران له‌فه‌ن به‌هرام به‌ێزایی و ته‌همینه‌ی میلانی ، پێشنیار كردنه‌سه‌ خانم حوسه‌ینی ك داستان كتاوه‌گه‌ێ ك وه‌ێ زوێه‌ وه‌زوانه‌یل عه‌ربی و ئسپانی چاپ ئه‌كریه‌ێ بكه‌نه‌ فلم سینه‌مایی.
زه‌هرا حوسه‌ینی له‌ ساڵ 1963 له‌ شار به‌سره‌ له‌ داڵگ بوێه‌ و وه‌ل خانه‌واده‌گه‌ێ له‌ سه‌ره‌تاێ ده‌ێه‌ێ هه‌فتا سه‌ده‌ێ گوزه‌یشته‌ وه‌ل 120 خانه‌واده‌ێ كورد فه‌یلی وه‌زور ئه‌ڕا ئێران كوچ وه‌پێێان كریاگه‌.   
ج ك