له دیداره‌گه هافنێك وتگه: سه‌ره‌ڕای قه‌یران ئابووری ، حكومه‌ت هه‌رێم كوردستان وه‌گوره‌ێ پێوه‌ره‌یل ناوده‌وڵه‌تی وه‌ل سه‌دان هه‌زار ئاواره‌ێ عراقی ڕه‌فتار ئه‌كا.
له‌بان یه‌یش ته‌ئكید كردگه ، یونسێف ته‌قالا ئه‌كا نیازه‌یل ئاواره و په‌نابه‌ره‌یل وه‌گوره‌ی به‌رنامه‌ێ ساڵ 2015 ته‌ئمین بكا و هه‌ر وه‌يخاتره چه‌ندین دیدار و دانیشتن وه‌ل كاروه‌ده‌سه‌یل حكومی له هه‌رێم و به‌غدا سازكردگه.
ئاماژه كردگه‌سه ئه‌ڕا كه‌مه‌وبوين بووجه‌ێ نه‌ته‌وه‌یل یه‌كگرتگ و كاریگه‌ریی له بان بار ژیان و گوزه‌ران ئاواره‌یل و په‌نابه‌ره‌یل وتگه: كه‌مه‌و بوێن بووجه‌ێ یو ئێن كاریگه‌ری خراو ناگه‌سه بان چاره‌سه‌ر كردن كیشه‌گان، چوین له تاوسان ساڵ 2014 كومه‌ڵگاێ ناوده‌وڵه‌تی پابه‌ندیه‌یل خوه‌ی وه‌خاسی جیوه‌جی كرد وه‌لێ له نیمه‌ێ دوه‌م هه‌مان ساڵ و سه‌ره‌تاێ 2015 بووجه‌ێ یو ئین دوچار كه‌می هاتگه وه‌خاتر زیاگه‌و بوێن ژماره‌ێ ئاواره‌یل و په‌نابه‌ره‌یل له جه‌هان.
دیندار زێباری لای خوه‌یه‌وه له بان زه‌روره‌ت پابه‌ندی یو ئین وه كومه‌ك كردن ئاواره‌یل نیشته‌جای هه‌ریم جه‌خت كردگه.
ئاماژه وه‌یه‌یش كردگه ، زه‌روریه ئاژانسه‌یل ناوده‌وڵه‌تی سه‌روه یو ئین وه‌رده‌وام بوون له پێشكه‌ش كردن خزمه‌تگوزاری وه په‌نابه‌ره‌یل و ئاواره‌یل ، له‌وه‌ر ئه‌وه‌گ بار ژیان وگوزه‌ران مه‌ردم هه‌ریم سه‌خته ، وه‌لی حكومه‌ت هه‌رێم سه‌ره‌ڕای كه‌می توانایی ماڵى له كومه‌ك كردن ئاواره‌یل وه‌رده‌وامه.