شەفەق نیوز/ ئقتساد ده ئێران چمان بییه‌سه "زاڕوو وازه‌کی" و هه‌ر که‌س ئه‌ڕا خوه‌ی.
ده دریژای تاریخ ئێقه، بازاڕ ول نه‌بۊه.
ده ئی چه‌ن رووژه، دوجاره قیمه‌ت سێیاره نزیکه‌ی "بیس له سه‌دێ" چگ ئه‌و بان و هه‌ر چه‌ن ک دی سه‌نین پراید چه‌کڵه‌یگیش دیرێ دبێگه خه‌ون و خیاڵێ ئه‌ڕا وڵات، ره‌ییس سندیکای بڵنگ‌فرووشه‌یله‌ی ماشین، ده بان ده‌رده‌ی خودا، ده قسه‌ی چه‌پی‌چه‌واشه‌ی وت: "پراید ده بازار، هێمان، ئه‌رزانه‌و قیمه‌ت راسکانی هه‌ر پرایدێ شه‌ش هزار دولاره.
که‌س نه‌دزانێ وه‌ختێ ک واحد پۊل و پاره‌ی ئێران، ریاڵ و تمه‌نه دی ئه‌ڕا به‌رپرسه‌یل ده‌وڵه‌تی و لاده‌وڵه‌تی، قیمه‌ت کاره‌یله‌ی خوه‌یان وه‌رد دلار ئه‌ڵسه‌نگنن وه‌لێ له‌ولا، وه ریاڵ کراده‌س و حوقووق دده‌ن وه کارمه‌نده‌یل و کارگه‌ره‌یل، یا که‌سێ نییه جواو ئی پرسیارییه بده‌ێ ک ئه‌ڕا یارانه‌گه و سووبسیده‌یله وه ریاڵ، وه‌رد مه‌ردم هساو دکه‌ن؟
وه‌ی وه‌ر و ورده ک ئه‌یانه دیرن له راسی دیار نییه ک کێ خاون ئی ول‌بازاره‌سه؟ وه قه‌‌وڵ ئه‌ومه وته‌نی "شوان شه‌که‌ت و کارخودا ناڕزا".
مه‌ری ده ئی وه‌زیاته هه‌م مه‌ردم و هه‌م ماشین‌سازه‌یله‌گه گرد هانه نام زه‌ره‌د و هه راوفه‌یله‌ن ک قرق کردن له‌‌‌ی بێ‌خاونی ئی بازاره.