شەفەق نیوز/ لە پارێزگای دهۆک،  ئمڕوو دووشەممە،  ئاڵشتکردن قەزای.زاخۆ ئەرا ئیدارەی سەروەخوەیی لە هەرێم کوردستان راگەیانن.  

هەژمار خەڵک زاخۆ لە ٣٠٠ هەزار کەس زیاترە. 

ئی کارە وەرسوومەیلیگ تایبەت، وە ئامادەبۊن سەرۆک حکومەت هەرێم کوردستان و وەزیرەیلیگ وەڕیەو چگ. 

مەسرور بارزانی سەرۆک حکومەت هەرێم کوردستان،  فەرمانە فەرمیەگە داگە دەس گودهار شێخۆ سەرپەرشتیار لەبان ئیدارە سەروەخوەییەگە. 

عەلی تەتەر پارێزگار دهۆک لە وتاریگ وت: گام ئاڵشتکردن قەزای زاخۆ ئەرا ئیدارەی سەروەخوەیی کاریگ مێژوویە، وتیش: شار زاخۆ لە ساڵ ١٨٦٤ بۊیە قەزا، و لە بیس و هەشت تەمووز گوزەیشتە،  حکومەت هەرێم بڕیار دا قەزاگە بکەێدە ئیدارەی سەروەخوەیی. 

لەلای خوەییش خ رێبەر ئەحمەد وەزیر ناوخۆ راگەیان وازکردن وەڕیەوبەرایەتیەیل گشتی لە تەندروسی و کارەبا و شارەوانی و کشتوکاڵی وەی نزیکە لە ئیدارەی زاخۆ. 

لەلای خوەییش، مەسرور بارزانی سەرۆک حکومەت هەرێم کوردستان لە وتاریگ باس گرنگی شار زاخۆ کرد لەلای ئابووری و بازرگانی،  وەتایبەت ک مەرز ئیبراهیم خەلیل ها ناوی. 

وتیش: ناوچەیل گەشتوگوزاری لە زاخۆ لەوەر پەکەکە ئاوەدان نەکریا، قەت ڕازی وە دەسوەردان کەسیگ لە باوەتەیل هەرێم کوردستان نیلییمن، و داوا لە پەکەکە کرد لە هەرێم دەرچن.