له‌ى باوه‌ته‌و، سه‌يد ستار جمنى دراوه‌ر ئى فيلمه له لێدوانيگ رووژنامه‌گه‌رى ك(شه‌فه‌ق نيوز)ئاگادارى بوى، وت: هه‌وڵ فريه‌يگ دايمنه ئه‌را جيوه‌جيكردن ئى فيلمه‌و له ماوه‌ى 10 رووژ كاره‌يل ره‌سمگرتنى ته‌مام كرديمنه‌و ماوه‌ى فيلمه‌گه‌يش 34 ده‌قه‌س.
جمنى باس له‌وه‌يش كرد ك ئى فيلمه باس له‌و كوشتار و په‌لاماره‌يله ئه‌كا ك ريكخرياگ ترۆريستى داعش دژ كورده‌يل ئێزيدى ئه‌نجامى دا له باكوور عراق و هه‌ميش ئه‌و ده‌سدريژيه‌يله ك كريا بان ژنه‌يل ئێزيدى و له بازاڕه‌يل فرووشيان.
جى باسه، له‌باوه‌ت ناونيشان فيلمه‌گه‌يش وت: ئێزيديه‌يل وه گووره‌ى مێژوو ك فيشتر له 7 هه‌زار ساڵه، ئه‌يه 74 جاره تويش په‌لامار ئه‌يه‌ن و هه‌ر وه‌و خاتريشه وه فيلم " 74 " ناونيشانى ديارى كردم.