فه‌يلى له به‌ياننامه‌يگ وت: له‌وه‌ختيگ ك بايه‌س بوى گشت عراقيه‌يل وه ئازادكردن شه‌نگاڵ و ناوچه‌يليگ له ئه‌نبار خوه‌شاڵ بوياتان، وه‌لێ چيمنه ناو هه‌مان تونێل تيه‌ريك ك ئيجاره كوشتار ناوخوه‌يى ناونى كورد و شيعه باڵ كيشا بانى.
فه‌يلى هه‌ميش وت: هه‌رچه‌نى هه‌وڵه‌يليگ هه‌س مه‌رجه‌عه‌يل سياسى له به‌غدا و هه‌ولێر ئه‌را ئارامه‌وكردن باره‌گه‌و كووتاييهاوردن وه قه‌يرانه‌گه، وه‌لێ هيمان ئاگر ئاشوو گه‌رمه‌و ئاقبه‌تيش زه‌رد ئه‌ياده تويش گشت پيكهاته‌يل.
فه‌يلى باس له‌وه‌يش كرد ك مه‌رجه‌ع ئايينى خاوه‌ن ده‌نگيگ فيشتر كاريگه‌ره له‌ى هه‌ڵويسته‌يله‌و جوور ئه‌وه‌گ گشت جاريگ پشتگيرى كرده‌وه‌يل حه‌شد و پێشمه‌رگه كردگه دژ زوڵم و ترۆر، وه باوه‌ڕم قسه‌يلى جيگيره ئه‌گه‌ر ده‌خاڵه‌ت بكاو مه‌سه‌له‌گه يه‌كلاوه بكا.
جى باسه، فه‌يلى ئاماژه وه‌يه‌يش كرد و وت: ئيمه هووكاره بويمنه ك هه‌ميشه مه‌رجه‌ع باڵاى ئايينى بدێده ده‌نگ گفت و ئه‌قڵ و هه‌ر وه‌و خاتريشه داوا ئه‌كه‌يم هه‌ڵه‌په‌ڵه‌و راسه‌وخۆ ده‌خاڵه‌ت بكا ئه‌را داناين مه‌رزيگ له‌وه‌ر كووتاييهاوردن وه قه‌يران خورماتوو و هاوردنه‌وه‌ى په‌يوه‌نديه‌يل مێژوويى ناونى كورد و شيعه‌و باقى پيكهاته‌يل تر عراقى.