شەفەق نیوز/ فراکسیۆن پارت دیموکرات کوردستان، ئمڕوو جمعە، ساڵیاد رووژ شەهید فەیلی کرد، و جەخت کرد لە گرنگی هاوردنەوەی گشت مافە بریایەیل کورد فەیلی.
دەربارەی ئی کارەساتە، فراکسیۆن پارت دیموکرات کوردستان، لە بەیاننامەیگ رەسیە ئاژانس شەفەق نیوز وت: ئی رووژەیلە یەکێگ لە یادە ژیاندارەیل مێژوو گەل کوردستان خەنە یاد، ک چین گەورا و فراوانیگ لەی گەل سەربەرزە وەخوەی دی، ک کەفتە وەر ستەم و بارکردن ناچاری و کوشتن و دەسناین لەبان ماف و پویل وماڵداری و جینۆساید وەگشت واتەیل ئی ووشە، وەگورەی پەیمانەیل ناودەوڵەتی وەدەس رژیم بەعس دیکتاتۆری فاشیست.
ودیاری کرد ک لە سەرەتای مانگ نیسان لە ساڵ ١٩٨٠ ئی رژێمە ستەم و توندڕەوەی خوەی نشان دا، ک دەسکردە زنجیرەیگ لە تاوانەیل ناشرینی دژوە گەل کوردستان لە کوردە فەیلیەکان، نەگ ئەرا چشتیگ، تەنیا چوونکە خوەیان بەش رەسەنیگن لەی گەلە و شانازی وە نەتەوەی خوەیان کەن، و رەت ستەمکاری و کوێلەکردن و زەلیلی ئەرا رژێم بەعس لەناوبریاگ کەن.
وتیش؛ یاد ئی بۆن زیاندار شەرمەزارکریاگە کەیمن، و بایەدە وەڕاسیەو پشت یەک بگریمن تا گشت مافە بریایەیل ئی چین ستەمدیدە باریمنەو، جوور وەفادارییگ ئەرا ئەو قوربانیەیل گەورا ک پێشکەشیان کردن و ئەو هەمکەی ستەم و ماف بردنە ک کەفتنە وەریان.
فراکسیۆن پارت دیموکرات کوردستان داوا لە حکومەت فیدڕالی کرد یاسا وبڕیارەیل تایبەت وە داد گواستنەوە و مافداین کوردە فەیلیەکان و گشت خاوەن قوربانی و شەهیدە عراقیەکان گورجەو بکەن و جیوەجی بکەن، و هەمیش جیوەجیکردن بڕیارەیل دادگای باڵای عراقی.