شەفەق نیوز/ فراکسیۆن پارت دیموکرات کوردستان لە پەرلەمان کوردستان، ئمڕوو چوارشەممە، داوای سزادان کازم فاروق سەرۆک فراکسیۆن نەوەی نوێ کرد، لەوەر رەفتارە ناگونجیایەگەی لە پەرلەمان و سووکایەتیکردن لە رەگەز ما.

ئەوەیش لە کۆنگرەیگ رۆژنامەوانی ئەرا فراکسیۆنەگە لە پەرلەمان هەرێم هات ک سەرۆک فراکسیۆنەگە داوای سزادان فاروق وەگورەی یاسای عراقی کرد تا ئیجوور رەفتاربگ لە دویارووژ دووارە نەکریەێد.

سەرۆک فراکسیۆنەگە نوقڵانە دا لە ئەگەر هەڵگردن پارێزمەندی لە فاروق وەگورەی سیستەم ناوخۆیی پەرلەمان هەرێم.

وەرجەیە، سەرچەوەیگ پەرلەمانی، ئمڕوو لە وەختیگ گوزەیشتە خەوەردا ک فراکسیۆن نەوەی نوێ لە پەرلەمان هەرێم کوردستان لە دانیشتنەگە کیشاوە لەوەر باسنەکردن باوەتەیلیگ پەیوەندی وە رەوشەەیل ئابووری و دارایی دیرن ک هەرێم وەپیان رەد بوود.

وەگورەی قسەی سەرچەوەگە ئەرا ئاژانس شەفەق نیوز؛ کازم فاروق کەوشەگەی لەڕوی دەزگای سەرۆکایەتی هەڵگرد و ئەرایان وەشانەی.

لەلای خوەییش، فاروق لە کۆنگرەیگ رۆژنامەوانی لە پشت کیشانەوە لە دانیشتنەگە وت: پەرلەمان پاپای خەمەیل مەردمەگە نێەوود، و دەرفەت ئەرا باسکردن ئەوە نیەێد، ز ئاماژە کرد ک فراکسیۆنەگەی خوازێد کۆتایی وە بڕین لە مووچەیل بارێد دویای بەرزەوبوین نرخ نەفت و باس رەوش خوەنەواریە خراوەگە بکەێد، و دابینکردن دەرفەتەیل کار ئەرا گەنجەیل، و پرسیار کرد ئایا ئی باوەتەیلە گرگن یا باسکردن لە چەسپانن باج دارایی لەبان ئەوەی قەپاغ ئاوەڕێەگان دزێد؟.

وتیش؛ ئیمە ئاگادار سەرۆکایەتی پەرلەمان کردیمن ئەگەر دەرفەت باسکردن گرفت وخەمەیل مەردمەگە نەیەن، ئیمە گەوشەیل ئەرادان وەشنیمن، و ئەوە بوی ک ئمڕوو کردیمنەی، وتيش؛ وەپای پەتی لە پەرلەمان دەرچگم.