شەفەق نیوز/ سەرچەوەیگ سەربازی، ئمڕوو سێشەممە، خەوەردا لە وە ئامانج گردن شوینەیل پەکەکە وەلایەن درۆنەیل تورکیا لە باکوور ئامێدی لە دهۆک.
سەرچەوەگە وە ئاژانس شەفەق نیوز وت، " هیزەیل تورکیا گورزەیلیگ ئاسمانی وشانن و شوینەیل پەکەکە لە ناوچەی "نیروە و رێکان" لە باکوور قەزای ئامێدی کردنە ئامانج".
سەرچەوەگە وتیش " دووڵ نیروە کەفتیەسە وەر پەلامارداین خەسیگ، تا ئیسە هویچ زانیاریگ نییە لە زەردەیل گیانی یا مادی کە لە ئۆپراسیۆنە سەربازیەگە کەفتیە".