شەفەق نیوز/ سەرچەوەیگ ئەمنی لە دهۆک لە هەرێم کوردستان، ئمڕوو شەممە، خەوەردا ک فڕۆکەیل تورکیا بمباران گویەی "كورزار" لە ناحیەی شیلادزێ لە باکوور پارێزگاگە کردن.
سەرچەوەگە ئەرا ئاژانس شەفەق نیوز وت " دویای جەنگ دویایین ناوبەین سوپای تورکیا و پەکەکە، دویەشەو، دووارە هەلیکۆپتەر تورکیا دەسکردن گورز وەشانن وەرەو شوینەیل چەکدارەیل پەکەکە لە لویتکەی کویەیل مامرشان و کورزار لە ناحیەی شیلادزێ سەروە قەزای عمادیەی باکوور دهۆک.
سەرچەوەگە دووپات کرد ک گورزەیلە تا شەوەکی زوییگ وەردەوام بوی، وەبی زانستن بڕ زەرەدەیل.
دویەکە جمعە، کامپیگ سەربازی تورکیا لە قەزای عمادیە، کەفتە وەر گورزیگ مووشەکی.