شەفەق نیوز- سلێمانی
سەرکردەیگ لە پارت "کۆمەڵە"ی کوردی ئیرانی، ئەمجەد حسێن، خەوەر دا، کە ئیران شەوەکی ئمڕوو شەممە، پەلاماریگ وە فرۆکەیل بیفڕۆکەوان بارەگا و ناوەندەیل سەر وە حزبە کوردیە ئیرانییەیل لە ناوچەیلیگ نزیک لە پارێزگای سلێمانی کردە ئامانج.
حسێن ئەرا ئاژانس شەفەق نیوز وت، کە پەلامارەگە بارەگا و بنکەیل سەر وە حزبەگە کردە ئامانج، و دیاری کرد کە ماڵ یەکیگ لە ئەندامەیل مەکتەب سیاسی کۆمەڵەی زەحمەتکیشەیل کوردستان کۆمەڵە، هەمیش وە فرۆکەیگ بیفڕۆکەوان کریاسە ئامانج لە ناوچەی بانگەورە نزیک زڕگوێز.
هەمیش وت کە زانیاریە سەرەتاییەیل دیاری کەن ئەرا توومارنەکردن زیانەیل گیانی لە ئەنجام پەلامارەگە، و دووپات کرد کە ئەو ئەندام مەکتەب سیاسیە کە ماڵەگەی کریا ئامانج تۊش هیچ زەرەدیگ نەهاتیە.