شەفەق نیوز- دیمەشق

کاروان سێیەم ئەرا ئاوارەیل شار سەرێ کانی/ رەئسولعەین لە شار حەسەکە، ئمڕوو دووشەممە، وەرەکەفت وەرەو شارەگە و دەورگردی، لە چوارچیوەی گلەوخواردن کاروانیگ نوو لە ئاوارەیل وەرەو ناوچە بنەڕەتییەیلیان.

دەسەی ئاوارەیل سەرێ کانی دیاری کرد کە کاروانەگە فرەتر لە 511 خیزان لەخوەی گرێد، لەو نیشتەجییەیلە کە لە کەمپ واشوو کانی و شمارەیگ لە ناوەندەیل ئۆردوگا کە مەکتەوەیل لەناویانە، لە ناوچەگە بۊنە.

 بڕیارە ئی خیزانەیلە کە گلەو خوەن روی بکەنە شمارەیگ لە دەشت و ناوچەیل کە کەفنە باشوور شار سەرێ کانی، وەپەی دەسەی ئاوارەیل شارەگە.

لەی چوارچیوە، ئەندام تیم سەرۆکایەتی پەیوەندیدار وە جیوەجیکردن رێککەفتنەگە وەرد هیزەیل سووریای دیموکرات مستەفا عەبدی، ئەرا ئاژانس شەفەق نیوز وت، کە کار وەردەوامە ئەرا وەڕیخستن گەشت چوارەم ئەرا ئاوارەیل رەئسولعەین ماوەی هەفتەی ئایندە.

 عەبدی دیاری کرد کە شمارەی خیزانەیل لەناو گەشتە نووەگە لە 500 خیزان رەد کرد، وە تێکڕای 2250 کەس، و گلەوخواردنەگە وەپەی میکانیزمیگ ئارەزوومەنانە و دۊای پاکەوکردن دەشت و ناوچەیل لە مینەیل ئەنجام دریەێد.

لەلای خوەیەو، ئەندام دەسەی ئاوارەیل سەرێ کانی/ رەئسولعەین، محەممەد حاجو، ئەرا ئاژانس شەفەق نیوز زیای کرد، کە کەمپەیل ئاوارەیل و ناوەندەیل ئۆردوگا هێمان نزیکەی 13 هەزار ئاوارە لە شار سەرێ کانی و دەورگردی لەخوەیان گرن.

 لە ئاب/ ئۆگۆست گوزەشتە، یەکەمین گەشتەیل گلەوداین ئاوارەیل وەرەو ناوچە بنەڕەتییەیلیان لە رەئسولعەین وەڕی خریا، وەلی تۊشهاتن بڕیگ لە خیزانەیل وە رویداوەیل دەسدریژیکردن بۊە مدوو وسیان گەشتەیل وە شیوەیگ وەختانە، وەرجە دەسوەپیکردنی دووارە.

 پرۆسە سەربازییە تورکییەگە، کە باڵەیل سووری ئۆپۆزسیۆن وە ناو "کانی ئاشتی" لە ساڵ 2019 بەشداری لەناوی کردن، بۊە مدوو ئاوارەبۊن نزیکەی 300 هەزار کەس لە هەردگ ناوچەی سەرێ کانی/ رەئسولعەین و تەل ئەبیەز لە ماوەی رووژەیل یەکەم پەلامارەگە، وەپەی راپۆرتەیل نەتەوە یەکگرتگەیل و مافپەروەری.