شەفەق نیوز - وەدویاچگن

سەرچەوەیگ ئەمنی لە ئیدارەی گەرمیان سەر وە هەرێم کوردستان، ئیوارەی ئمڕوو دووشەممە، راگەیان ک چوار فڕۆکەی بێیفڕۆکەوان (درۆن) لە ئاواییگ کەفتنە خوار، بی ئەوەگ هیچ زیانیگ گیانی یا ماددی وەدویای خوەیەو باریت.

سەرچەوەگە ئەرا ئاژانس شەفەق نیوز وت: "چوار فڕۆکەی بیفڕۆکەوان، نێوەڕوو ئمڕوو، لە ئاوایی (کانی زەرد) سەر وە قەزای رزگاری لە سنوور ئیدارەی گەرمیان کەفتنە خوار".

وەپەی قسەی سەرچەوەگە، "دەسەیل ئەمنی دەس کردنە وە کارەیل هەڵگردن و لادان پارچەیل فڕۆکەیلە لە شوون رۊداوەگە"، و ئەوەیش خستە رۊ ک "مەزەنە کریەێد ئی فڕۆکەیلە درۆسکریای ئیران بوون".

دووپات کرد ک "رۊداوەگە تا ئیسە هیچ زیانیگ لەلی نەویەسەو"، وتیش: لێکۆڵینەوەیەیل وەردەوامە ئەرا زانین وردەکاری و مدووەیل ئی کارە.