شەفەقنیوز/ مەنووچێهر نوورموحەمەدی نویسەر و چالاکوان لەکزوان ئەڵەشتری فەوتیا.
نوورموحەمدی، دە شار ئەڵەشتەر و دە بنەماڵەی فەرهەنگپەروەر لەکزوان دە نام سڵسڵەی لوڕستان هاتە دی و چوون خوەێ موعەلم ئەدەبیات فارسی خوەنست بێژە یە ک خوەێ شێعر وتگە ، دیوان باوەگەورای خوەێ ملامەنووچێهر کوولیوەن هەم گردەو کردگە و دە کتاوێ وە نام دیوان ملامەنووچێهر بڵاوێیەو کردگە.
ملامەنووچێهر یەکێ لە نامدارترین شاعرەێل ئەڵەشتەرییە ک شێعرەێلێ جوور موناجاتنامه و خەمنامە ئەڕا وەرین زێد و ماوای خوەێ ئوو شێعرەێل حەماسی فرەیێگ وە زوان کوردی گووران وتگە.
زوان کوردی گووران، زوان شێعر کلاسیک گشت کوردەێل گووران، هەورامان، کرماشان، لەکستان، ئیلام، کوردستان ئەردەلان، لوڕستان بییە و گشت مەنزوومەێل عاشقانە و جەنگنامەێل جوور شانامەی کوردی و نادرینامە و شێعرەێل ئایینی دە کوردستان وەێ بنزارە وتریانە.