شەفەق نیوز/ فڕۆکەیل جەنگی تورکیا، ئمڕوو سێشەممە، گورزەیلیگ ئاسمانی وەشاننە بان شوینەیل پەکەکە لە باکوور پارێزگای دهۆک.

سەرچەوەیگ حکومەتی ئەرا ئاژانس شەفەق نیوز وت: فڕۆکەیل تورکیا شوینەیل پەکەکە لە کویەی مەتین لەبان قەزای عمادیە باکوور دهۆک کردنە ئامانج.

سەرچەوەگە وتیش: مووشەک فڕۆکەیل کەفتنە نزیک ئاوای سکێری لە قەزای عمادیە و رممەیان زیڕە خستە ناو خەڵک ئاوایەگە.

جی باسە ک گورزەیل تورکیا بویەسە کاریگ نیمچە رووژانە لەی ناوچەیلە، و ئەنقەرە چەن سەربازگەی نوویگ لە کەژ زنجیرەی کویەی مەتین دروس کرد.

لەلاییگتر، وەچەودیەیلیگ وتن: فڕۆکەیل تورکیا وە تونی بمباران ئاوای خانا لە ناحیەی دینارە سەروە قەزای عەقرە خوەرئاوای دهۆک کردن.

وتنیش: هیمان فڕۆکەیل تورکیا هانە ئاسمان ئاوایەگە.