شەفەق نیوز/ سەرچەوەیگ ئەمنی لە دهۆک، ئمڕوو جمعە، خەوەردا کە فڕۆکەیل جەنگی تورکیا، گورزەیلیان وەبان شوینەیل پەکەکە لە خوەرهەڵات پارێزگاگە وەشانن.
سەرچەوەگە ئەرا ئاژانس شەفەق نیوز وت: فڕۆکەیل جەنگی تورکیا، شەوەکی زوی گورزیگ وەبان شوینەیل پەکەکە لە قەزای شێخان خوەرهەڵات پارێزگای دهۆک وەشانن.
سەرچەوەگە وتیش: گورزەگە زوور خستە بان دەورگرد ئاوای بیتاس لە ناحیەی قەسرۆکر وەبی زانستن زەرەدەیل ئەو پەلامارە.
لەلای خوەییش، سەرچەوەیگ سەربازی ئەرا ئاژانس شەفەق نیوز دووپات کرد کە ئەندامەیل پەکەکە وە گرووپەیل بویچگ لەناو شار و پارە هەرێم کوردستان گەردن، کە وەیجویرە بوونە ئامانج ئەرا فڕۆکەیل تورکیا.
ئیوارەی رووژ سێشەممەی گوزەشتە، سەرچەوەیگ ئەمنی ئەرا ئاژانس شەفەق نیوز وت: فڕۆکەیل جەنگی تورکیا، گورزەیل ئاسمانی وەبان شوینەیل پەکەکە لە کویەی گارە لەبان قەزای عمادیە جیوەجی کردن.