شەفەق نیوز/ وەرپرسیگ خۆجێیی و وەچەودیەلیگ، ئمڕوو چوارشەممە، خوەر لە بمبارانیک لەلایەن فڕۆکەیل تورکیا دان، لە بان ئەشکەفتیگ لە دووڵیگ لە ناوچەیگ کوێەیی لە هەرێم کوردستان، مەزەنە کریەێد ک جەنگاوەرەیل پەکەکە لەناوی بوینە.
سەربەست عەقڕاوی وەڕێۆبەر ناحیەی کانی ماسی سەروە پارێزگای دهۆک ئەرا ئاژانس شەفەق نیوز وت: فڕۆکەیل تورکیا لە ساعەت دە و ٤٠ خولەک بمباران دووڵ بازی لە باشوور ناحیەگە کردن.
عەقڕاوی وتیش؛ لە دویای بمبارانەگە، دویەکەڵ لە دووڵەگە بەرزەو بوی، وەبی زانستن زەرەدەگان.
لەلای خوەیانیش، وەچەودیەلیگ لە ئاوای بازی خەوەردان ک بمبارانەگە ئەشکەفتیگ لە دووڵەگە کردە ئامانج، مەزەنە کریەێد ک ئەندامەیل پەکەکە خوەیان لەناوی شارنەو.