شەفەق نیوز/ وەچەودیەلیگ لە هەرێم کوردستان، ئمڕوو شەممە، خەوەردان ک فڕۆکە جەنگییە تورکیەکان دووارە بمباران ناوچەیلیگ لە پارێزگای دهۆک کردن.
وەچەودیەکان ئەرا ئاژانس شەفەق نیوز وتن: فڕۆکە جەنگییە تورکیەکان، شەوەکی ئمڕوو بمباران زەنجیرەی کوێەیل گورزار لەبان ناحیەی شێلادزێ لە قەزای عمادیە باکوور پارێزگای دھۆک کردن، و هیمان تا وەخت نووسین ئی خەوەرە، فڕۆکەیل هانە ئاسمان ناوچەگە.
تورکیا ئاشکرای ئۆپراسیۆنە سەربازیەیلی لە ناوچەیلیگ سنووری لە هەرێم کوردستان لە ناوڕاس حوزەیران ٢٠٢٠ کرد، دژوە چەکدارەیل پەکەکە.