خانم شوان ڕێکخەر فێستیواڵەگە ئەرا ئاژانس شەفەق نیوز وت؛ ئمڕوو 45 ریخریاگ خێرخوازی و مەدەنی بەشداری لەی فێستیواڵە کردنە، کە وە بوونەی رووژ ساڵانەی خێرخوازییەو هات کە نەتەوە یەکگرتگەیل رایگەیانیە.
وتیش: ئامانج سەرەکی رووژ جەهانی خێرخوازی هوشیارکردنە ئەرا ئی لایەنە و دروسکردن سەکوویگ هاوبەشە ئەرا چالاکییە خێرخوازییەیل لە گشت جەهان ئەرا تاکە کەسەیل و ریخریایەیل خێرخوازی و مرۆیی و خوەیبەخشەیل بەشداری لەناوی بکەن وەخاتر رەسین وە ئامانجەیلیان لە ئاست ناوخوەیی و نیشتمانی و ناوچەیی و ناودەوڵەتی.
هەمیش وت: ریخریاگەیل ئومیدخوازن گردەوبوینیگ هەمیشەیی بوود کە گشت ریخریاگەیل لەناوی بوود ئەرا پیشکەشکردن خزمەتگوزاری هەمیشەیی ئەرا دەسمیەتیداین خەڵک نەدار و زیانلیکەفتگ وەدرویژایی ساڵ، وتیش؛ ریخریاگەیل سلێمانی پێگەی خاسیگ داشتن لەو ناخوەشی و پەتایل کە پارێزگارەگە تویشیان هاتیە.
شوان دووپات کرد کە لە ناو فیستواڵەگە کە یەک رووژ بوی، گشت ریخریاگەیل بەرهەمەیلیان نمایش کردن وەبی وەرانوەر ئەرا خیزانە نەدارەیل.
پەنجەم مانگ ئەیلول گشت ساڵیگ جویر رووژ جەهانی خێرخوازی دەسنشان کریایە و نەتەوە یەکگرتگەیل لە ساڵ ٢٠١٢ ئی رووژە راگەیان.