شەفەق نيوز/ شیرین ئەمین ئەندام وەرین لە پەرلەمان کوردستان، و ژن رووژنامەنویس کاوە گەرمیانی، ئمڕوو یەکشەممە، ئاشکرای دەرچگن فەرمان دەسگیرکردن وەڕیەوبەر وەرین ئاسایش قەزای کەلار، و توومەت دەسدرویژیکردن لەبان شویەگەی وەرجە چەن ساڵیگ.

 شیرین خان ئەرا ئاژانس شەفەق نیوز وت: دویای چەن دانیشتنیگ دادوەری، لە پرس رووژنامەنویس کاوە گەرمیانی، فەرمان دەسگیرکردن لەبان وەڕیەوبەر وەرین ئاسایش کەلار دەرچگ.

ئەو پرسە چوودەو ئەرا ساڵ  2011، کە کاوە گەرمیانی وەدەس گرووپیگ لە دەزگای ئاسایش کەلار زەخمدار بوی.

لە 5 کانوون یەکەم 2013 رووژنامەنویس کاوە گەرمیانی لە وەدەس گرووپیگ چەکدار نەناسیای لە دەر ماڵەگەی خوەی کوشیا، و گەرمیانی پەیامنێر رووژنامەی ئاوێنەی کوردی تایبەت بوی، و سەرنویسەر گۆڤار رایلە بوی.