شەفەق نیوز/ دۊای بڵاوبۊن پارچە ڤیدیۆی مامووستایگ ئاینی وە ناو (ڕزگار كه‌ریم وه‌هاب) لە تووڕەیل کۆمەڵایەتی، ک لەناوی جەژن نەتەوەیی نەوروز وە جەژن کافر و ئاگرپەرسەیل باس کەێد، و ئەوانەیش ئەو یادە بکەن وەهاوبەش دانەێد، دۊکە شەممە، وەڕێوەبەرایەتی ئەوقاف کۆیە راگەیان، هەر ئمڕوو داواکاری گشتی وەپەی ریکار یاسایی، داوا لە دادگای لێکۆڵینەوەی کۆیە کرد، سکاڵای یاسایی لەبانی بجۊلنێد و “لە ئەنجامەگەی فەرمان دەسگیرکردن لەبانی دەرچگ”.
وەڕێوەبەرایەتی ئەوقاف کۆیە ئاشکرایش کرد؛ وەگەرد بردن ریکار وسانن و دۊرخستن ئەو مامووستای ئایینیە لە وتارخووەنین، زوور لەبان ئەوەیش کەێد، ک “کەسایەتیە ئایینیە دڵسوزەیلە لە گوزەشتە و ئیسەیش لەڕز وەردەم نیشتمانپەروەیل بۊنە، و هەمیش سەرکردایەتی فرەی شۆڕش و راپەڕینیش کردنە”.
وەڕێوەبەرایەتی ئەوقاف کۆیە وتیش: “قسە و وتەیل ئەو مامووستای ئایینیە تەنیا دەربڕین رای تاکەکەسی خوەیە و لەناو گشت چین و باسەیلیش هۊر و ئایدیای جیاواز و ناشازیش دیرێد”.
لەكۆتایی ئاشکراکردنی، وەڕێوەبەرایەتی ئەوقاف کۆیە، پەیام پیرووزبایی راگەیان و لەناوی وت: “جەژن نەتەوەیی نەوروز لە گشت لاییگ پیرووز کەیمن” و ئومید پشوو و جەژنیگ خوەش ئەرا گشت لاییگ خوازیمن".