دەسەگە لە بەیاننامەیگ رەسیە ئاژانس شەفەق نیوز وت، "ئمڕوو ئاسمان لەکەئەور تا نیمەئەورە لەناوچە کویەیلە ئەرا ئەور تەوایگ ئاڵشتبوود، هاتێ لە ناوچەیل باکوور و خوەرهەڵات هەرێم کەمیگ نمەواران بوارێد هەمیش لە زنجیرە کویەیل سنووری هاتێ کەمیگ وەفر بوارێد و پلەی گەرمی کەمیگ بەرزەوبوود".

ئاشکەرایکرد، "سوو چوارشەممە ئاسمان نیمەئەورە بوود دویایی ئاڵشتبوود ئەرا ئەور تەواویگ، لە شەو نمە واران وارێد دویای شێواز واران وارین ئاڵشتبوود لە باکوور و باکوور خوەرهەڵات ئەرا ئەرا واران مامناوەندیگ و لەهەمان وەخت وەفر لە ناوچە کویەیلە و لەو شارۆچکەیلە نزیکن لە ناوچەیل کویەیلە وارێد باوجی لە سەنتەر پارێزگایەیل تەنیا نمە واران وارێد.

بەرزترین پلەی گەرمی مەزەنەکریاگ وە سلیزی:

  هەولێر : 18

  سلێمانی :17

   دهۆک : 16   

   زاخۆ : 18

هەڵەبجە : 16

کەرکوک : 22

 سۆران : 16

حاجی ئۆمەران : 6

گەرمیان : 23.