عەتیە لە پۆستیگ لەبان تووڕ کۆمەڵایەتی راگەیان، ئمڕوو شەممە باکوور و باشوور بڕیگ لە ناوچەیل خوەرهەڵات وڵاتەگە ئەورە، هەمیش تەمیگ مامناوەن تا سووکیگ هەس کاریگەریەگەی ئەرا خوەرهەڵات ئەنبار درویژەوبوود و وەرەو خوەرئاوای نەجەف کووچ کەێد وەرەو سەماوە.

وتیش، دەرفەت واران وارین لە  نیمەڕو ئمڕوو  وە شیوەی وەختانە کۆتایی وەپی تێد لە گشت شارەیلە باوجی لە (سلێمانی و هەولێر و  دهۆک و کەرکوک و باشوور نەینەوا) و لە باکوور دیالە و خوەرئاوای ئەنبار وەردەوامە و لە خوەرهەڵات سلێمانی و باکوور هەولێر و خوەرهەڵات دهۆک رفتە.

عەتیە وتیش، : شەوەکی رووژ یەکشەممە، هاتێ دوارە واران وارین گلەوبخوەد ئەرا ناوچەیل ئەنبار و سەڵاحەدین و دیالە و بەغدای پایتەخت و بابل و کەربەلا وەرد وەردەوامبوین ناجیگیربوین و واران لە هەولێر و سلێمانی دهۆک لە رووژ یەکشەممە.

وتیش، مەزەنەکرێد وەفر لەبان لویتکە کویەیل هەولێر و سلێمانی بوارێد.

پسپۆڕ کەشناسیەگە هووشداریدا لە واران رفتیگ ئمڕوو و سوو ناوچەیل خوەرهەڵات و باکوور خوەرهەڵات سلێمانی و باکوور هەولێر و دهۆک گرێدەو.

دیاریکرد، شەوپوولەیلیگ لە تەم مەودای نووڕستن ئەرا 1کم کەمەوکەن مەزەنەکرێد لە شەوەکی رووژ یەکشەممە لەناوچەیل بەسرە ومیسان و زیقار کە لەدویای ئەڵاتن خوەر وە ماوەی کەمیگ نیەمینێد و مەزەنەکرێد لە باکوور هەولێر و سلێمانی و خوەرهەڵات دهۆک.

کۆتایی وە مەزەنەیلی هاورد وە وتن، لەناوڕاس هەفتە داوەزین پلەی گەرمی شارەیل ناوڕاس و خوەرئاوای وڵات گرێدەو.