شەفەق نیوز/ وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو یەکشەممە، کەشوهەوای 48 ساعەت ئایندەی هەرێم دیاریکرد.
وەڕێوەبەرایەتیەگە لە بەیاننامەیگ راگەیان، "ئمڕوو ئاسمان ساماڵە وەگەرد پەیابوین بڕیگ لەکەئەور لەناوچەیل باکوور هەرێم، و پلەی گەرمی وە جیگیری مینێد و لە ناوچەیل ناوڕاس وە نزیکەی (1-2) پلەى سیلیزى داوەزێد".
ئاشکەرایکرد "سوو ئاسمان ساماڵە وەگەردیا هاتێ تەپوتوز بەرزەوبوود لە ناوچەیل باشوور هەرێم، و پلەی گەرمی (1-2) پلەى سیلیزى داوەزێد".
بەرزترین پلەی گەرمی مەزەنەکریاگ وە پلەی سیلیزی :
هەولێر : 42
سلێمانی : 41
دهۆک : 43
کەرکوک : 45
هەڵەبجە : 43
زاخۆ :44
سۆران : 41
حاجی ئۆمەران : 31
گەرمیان : 46.