شەفەق نیوز/ وەڕێەوبەرایەتی کەشناسی و رەوانگەی زەویلەرزە لە هەرێم کوردستان، مەزەنە کرد فرەی ناوچەیل هەرێم کوردستان بەرزەوبوین وەرچەویگ لە پلەی گەرمی، ئمڕوو شەممە، وەخوەیان بوینن، ک رەسێدە ناوبەین ٢ تا ٣ پلەی سیلیزی.

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: کەشوهەواگە لە ناوچەیل هەرێم کوردستان وە گشتی رووشنە، و باس زیایبوین لە توومارکردن پلەی گەرمی کرد ک رەسێدە ٢ تا ٣ پلەی سیلیزی.

بەیاننامەگە مەزەنە کرد ساماڵی کەشوهەوای هەرێم کوردستان تا سوو بمینێد، تا پلەی گەرمییش جویر خوەی بوود.

بەیاننامەگە هەمیش مەزەنە کرد پلەی گەرمی لە ماوەی ٤٨ سەعات ئایندە وەیجویرە بوود:

هەولێر ٤٣، سلێمانی ٤٢، دهۆک ٤٢، هەڵەبجە ٤٣، گەرمیان ٤٧، سۆران ٤١.