شەفەق نیوز ـ وەدویاچگن

وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو سێشەممە، مەزەنەی داوەزیان پلەی گەرمی لە ناوچەگەوپرزەواران وارین کرد.

وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت "ئمڕوو ناوچەگە وە گشتی ئاسمانی لەکەئەور و نیمەئەور بوود هاتێ پرزە واران بوارێد لە ناوچە سنووریەیل و پلەی گەرمی وە (2-4) پلەی سیلیزی نزمەوبوود" .

دیاریکرد "سوو ئاسمان رووشن  لەکە ئەورە گاجاریگ ئەرا نیمەئور ئاڵشتبوود، پلەی گەرمی لە بڕیگ ناوچە زیکە لە توومارەیل ئمڕوو بڕیگ ترەک داوەزیان وە خوەی دوینێد"

بەرزترین پلەی گەرمی مەزەنەکریاگ ئەرا ئمڕوو سێشەممە:

"هەولێر: 31 پلەی سیلیزی، پیرمام: 27 پلەی سیلیزی، سلێمانی: 30 پلەی سیلیزی، هەڵەبجە: 32 پلەی سیلیزی، چەمچەماڵ: 32 پلەی سیلیزی، دهۆک: 31 پلەی سیلیزی، زاخۆ: 33 پلەی سیلیزی، ئاکرێ: 32 پلەی سیلیزی، گەرمیان: 37 پلەی سیلیزی، حاجی ئۆمەران: 22 پلەی سیلیزی".

بەرزترین پلەی گەرمی مەزەنەکریاگ ئەرا رووژ چوارشەممە وەیجویرە بوود:

"هەولێر: 30 پلەی سیلیزی، پیرمام: 26 پلەی سیلیزی، سلێمانی: 30 پلەی سیلیزی، هەڵەبجە: 32 پلەی سیلیزی، چەمچەماڵ: 32 پلەی سیلیزی، دهۆک: 30 پلەی سیلیزی، زاخۆ: 32 پلەی سیلیزی، ئاکرێ: 32 پلەی سیلیزی، گەرمیان: 36 پلەی سیلیزی، حاجی ئۆمەران: 22 پلەی سیلیزی".