شەفەق نیوز/ وەڕێەوبەرایەتی کەشناسی و زەویلەرزەی هەرێم، ئمڕوو جومعە، مەزەنەیل کەشوهەوای پارێزگایەیل هەرێم کوردستان راگەیان و و مەزەنەی وەفر وارین و داوەزیان پلەی گەرما کەێد.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز راگەیان، ئمڕوو جومعە ئاسمان ناوچەیل هەرێم کوردستان ئەورە و لە سەرانسەر هەرێم واران وارێد و تاقمەجاریگ وارانەگە رفتەو بوود و بەڵاچەیش ها وەگەردیا و مەزەنەکریەد وارین لە دهۆک زیاتر بوود و لە ناوچە کویەیل ئەو ناوچە وەفریش بوارێد.
راگەیانیش، هاتی لەبڕیگ ناوچە تووز و خوەڵ وە ئاسمانەو بەرزەوبوود و پلەی گەرما وەشیوەی وەرچەوەیگ داوەزێد.
کەشناسی ئەوەش خستەڕوی سوو شەممە ناوچەیل هەرێم وەگشتی نیمچە ئەورە لە بڕیگ ناوچە ئاڵشتبوود ئەرا ئەور تەواویگ هاتی پرزە واران بوارێد.
کەشناسی وەیجویرە مەزەنەی پلەی گەرما کەێد:
هەولێر ١٤پلەی سەدی.
سلێمانی ١٣پلەی سەدی.
دهۆک ٩ پلەی سەدی.
کەرکوک ١٨ پلەی سەدی.
هەڵەبجە ١٦ پلەی سەدی.
زاخۆ ٩ پلەی سەدی.
سۆران ١١ پلەی سەدی.
گەرمیان ٢١ پلەی سەدی.