شەفەق نیوز/ وەرێوبەرایەتی کەشناسی و زەویلەرزەی هەرێم کوردستان، ئمڕوو دوشەممە، مەزەنەیل کەشوهەوای ٤٨ ساعەت ئایندەی پارێزگایەیل هەرێم راگەیان.
وەرێوبەرایەتیەگە لە بەیاننامەیگ راگەیان، ئاسمان ئمڕوو ئەور واراناوییگە و وە درویژایی وەخت وەفر وارین لە ناوچە کویەیلە فرەترەو بوود، ڕێژه‌ی وارینیش له ناوچه‌یل باكوور خوەرهەڵات هه‌رێم كوردستان (كۆیه، قه‌ڵادزێ، ته‌قته‌ق و شوان) فرەتر بوود.
رووژ سێشه‌ممه: ئاسمان درویژایی وەختەیل ئەور واراناوی دەێد و وەگەرد وارین وەفر لە ناوچە کویەیلە، لە وەختەیل دویای نیمەڕو شیوەی وارین لە بڕیگ ناوچەی باشوور هەرێم كوردستان لە نمەواران ئەرا تاوەواران و بەڵاچە ئاڵشت بوود و وە کاریگەری زیاتر لە ناوچەیل خوەرهەڵات و باشوور شار سلێمانیە، ک رێژەی وارین لەی ناوچەیلە زیاترەو بوود.