شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو دووشەممە، مەزەنەیل کەشناسی 48 ساعەت ئایندە راگەیان.

لە راپۆرتیگ دەسەگە کە دەس ئاژانس شەفەق نیوز کەفتیە هاتیە "ئمڕوو ئاسمان وەگشتی لەناوەین لەکەئەور و نیمەئەورە، و پلەی گەرمی نزیک بوود لە توومارەیل دویکە".

دیاریکرد، "سوو ئاسمان وە گشتی بەرزە ئەور تەواویگ بوود، لە پارێزگای دهۆک و ناوچە کویەیل سنوور باکوور و خوەرهەڵات هەرێم لەوەخت نیمەڕوو کەمیگ وەفر وارێد، لە شەو ئاسمان وەرەو رووشنی چوود و کەش جیگیرەوبوود و پلەی گەرمی نزیکە لە توومارەیل ئمڕوو و لە ناوچە کویەیلە یەک تا دوو پلە داوەزێد".

بەرزترین پلەی گەرمی مەزەنەکریاگ وە پلەی سیلیزی:

هەولێر     :11 پلەى سیلیزى

سلێمانی  : 10 پلەى سیلیزى

دهۆک     : 10 پلەى سیلیزى

کەرکوک  : 13 پلەى سیلیزى

هەڵەبجە : 11  پلەى سیلیزى

زاخۆ      :  10 پلەى سیلیزى

حاجی ئۆمەران :  0پلەى سیلیزى

سۆران    : 8 پلەى سیلیزى

گەرمیان  :   16 پلەى سیلیزى