شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو پەنجشەممە، کەشوهەوای 48 ساعەت ئایندە ئاشکەراکرد.
دەسەگە لە بەیاننامەیگ رەسیە ئاژانس شەفەق نیوز راگەیان، "ئمڕوو ئاسمان ساماڵ و لەکەئەورە گاجاریگ ئاڵشتبوود ئەرا نیمەئەور و پلەی کەمیگ بەرزترەو بوود لە توومارەیل دویەکە".
ئاشکەرایکرد، "سوو ئاسمان لەکە ئەور و نیمەئەورە و پلەی گەرمی نزیکەی 2 تـــــا 3 پلە بەرزەوبوود".
بەرزترین پلەی گەرمی مەزەنەکریاگ وە سیلیزی:
هەولێر : 22
سلێمانی : 21
دهۆک : 21
زاخۆ : 22
هەڵەبجە : 22
کەرکوک : 24
سۆران : 19
حاجی ئۆمەران : 12
گەرمیان : 25.