شەفەق نیوز/ دەسەی کەشناسی و زەویلەرزە ناسی هرێم کوردستان، ئمڕوو پەنجشەممە، کەشوهەوای هەرێم کوردستان دیاریکرد.
دەسەگە لە بەیاننامەیگ رەسیە ئاژانس شەفەق نیوز راگەیان، " ئمڕوو ئاسمان ساماڵە و پلەی گەرمی کەمیگ بەرزەوبوود" ئاشکەرایکرد" سوو جومعە ئاسمان ساماڵە وەگەرد لەکەئەور و پلەی گەرمی وە نزیکەی 2 تــــا 4 پلە بەرزترەوبوود لە توومارەیل ئمڕوو".
بەرزترین پلەی گەرمی مەزەنەکریاگ وە پلەی سیلیزی :
هەولێر : 43
سلێمانی : 40
دهۆک : 41
کەرکوک : 45
هەڵەبجە : 42
زاخۆ : 43
سۆران : 41
حاجی ئۆمەران : 30
گەرمیان : 46