وەڕیەوبەرایەتیەگە لە بەیاننامەیگ رەسیە ئاژانس شەفەق نیوز راگەیان،" لە دویای ئەوەگ ماوەی زیاتر لە دوو هەفتەس هەرێم کوردستان و ناوچەگە هالەژیر کاریگەری شەپوولیگ گەرمی قایم بووی بەرزترین پلەیل گەرمی تا ئاست پەیمانەیی لە وێستگە جیاوازەیل بان ناوچەگە توومارکریا، دویکە چوارشەممە دویاین وەخت بوی ئەرا بەرزی پلەی گەرمی".

ئاشکەرایکرد، "لە رووژەیل ئایندە پلەیل گەرما گلەوخوەد ئەرا ئاست ساڵانەی خوەی، لە ئمڕوو پەنجشەممە نزمەوبوین پلەی گەرمی وە شیوەی پلە وە پلە دەسوەپی کەێد".

لەبەیاننامەگە راگەیاندیش، " رووژ جومعە زیاتر هەس وە نزمبوین پلەی گەرما کریەد و دووشەممەی ئایندە جیاوازی پلەی گەرمی وەرد ئمڕوو  نزیکەی 6-8 پلە بوود و رووژ سێشەممە تا رادەیەگ كەشەگە هونکەوبوود".

ئاشکەرایکرد، "تا ئیسە هویچ مەزەنەیگ شەپوول گەرما لە مانگ ئایندە توومارنەکریاگە، لە مەوقەی هاتن شەپوول گەرماش کاریگەریەگەی کەمترە ماوەگەی لە رووژیگ زیاتر نییە وە ئیەش شەپوولە گەرمیەیل ئمساڵ کۆتایی هات".