ئاراس لە پۆستیگ ک لەبان تووڕ کۆمەڵایەتی " فەیسبوک" بڵاویکردیە راگەیان، وەپای ئاڵشتبوینەیل کەشوهەوا مەزەنە کریەێد مانگ ئاب ئایندە پلەی گەرمی بەرزتر بوود وەچەو ئی مانگە..

ئاشکرای کرد لەسەرتای مانگ ئایندە هاتێ ناوچەگە بکەفێدە وەر شەپوولیگ گەرمی بەرزیگ ک پلەی گەرمی لە ناوچەی ئیدارەی (گەرمیان) رەسێدە 50 پلە و زیاتریش.

دیاریکرد، تا ئیسە ناوچەگە نەکەفتیەسە وەر شەپوول گەرمی تونیگ، هەرچەن پلەی گەرمی جەهان وەشیوەی گەپیگ بەرزەوبویە باوجی وەرز تاوسان ئمساڵ خاسترە لە ساڵەیل گوزەشتە، وەتایبەت لەی ماوە لە باکوور خوەرهەڵات دەریای ئەتڵەس و خوەرهەڵات ناوڕاس و خوەرئاوای دەریای چەرمگ.

وتیش، یەیش کاریگەری لبان وەرز وەران وارین ئمساڵ دروس کەێد لە وڵاتەیل ناوچەگە، ئاست بان دەریا گەرمەوبوود، پەستانیگ قایم و قویلتر دروسکەێد، لەئەنجام شەپوولەیل تونیگ دروس کەێد و لافاو روی دەێد، وەگەرد دوارەبوین کەشوهەوای ناجیگیر لە بەرگەهەوا زیاتر لە جاران.