وەڕێەوبەرایەتیەگە لە بەیاننامەیگ رەسیە ئاژانس شەفەق نیوز راگەیان، کاریگەری ئەو شەپوول واران وارینە روی لە ناوچەگەمان کردبوی لە وەختەیل ئیوارە کۆتایی تێد.

راگەیانیش، ئمڕوو ئاسمان هەرێم نیمچە ئەورە لە بڕیگ ناوچە ئاڵشت بوود ئەرا ئەور تەواو وەگەرد کەمیگ واران وارین لە وەخت و ناوچە جیاوازەیل وە تایبەت لە ناوچە کویەیلە و پلەی گەرما وە بەراورد وە تووماریل دویەکە  ١ پلە تا ٣ پلە بەرزەوبوود.

هەر وەپای بەیاننامەگە، سوو شەممە ئاسمان هەرێم وە گشتی لەکە ئەور تا نیمە ئەور، پلەیل گەرما بەراورد وە توومارەیل  ئمڕوو ٢ تا ٤ پلە بەرزەوبوود.

بەرزترین پلەیل گەرما مەزەنەکریاگ وە پلەی سیلیزی :

هەولێر : 20 پلەى سیلیزى

سلێمانی : 19 پلەى سیلیزى

دهۆک : 19 پلەى سیلیزى

کەرکوک : 24 پلەى سیلیزى

هەڵەبجە : 22 پلەى سیلیزى

زاخۆ : 19 پلەى سیلیزى

سۆران : 18 پلەى سیلیزى

گەرمیان : 26 پلەى سیلیزى.