شەفەق نیوز/ وەریەوبەرایەتی کەشناسی هەرێم کوردستان، ئمڕوو جومعە، مەزنەی ئمڕوو جومعە و و سوو شەممە راگەیان، پیشبینی کەێد لە یەکەم رووژ جەژن پلەی گەرما بەرزەو بوود.

وەریەوبەرایەتی گشتی کەشناسی و زەویلەرزەی هەرێم کوردستان لە بەیاننامیگ راگەیان، کەشوهەوای ئمڕوو جومعە وە گشتی ساماڵە وەگەرد لەکەی ئەور و دیاریکرد لە ناوچەیل باشوور هەرێم خوەڵوارین سووکیگ بوود و تونی وا ها لە ناونی 10 ئەرا 20 کیلۆمەتر لە ساعەتیگ. 

ئاشکەرایکرد، سوو شەممە وەگشتی ئاسمان ساماڵە و پلەیل گەرما یەک تا سێ پلە بەرزەو بوود وە بەراورد وە ئمڕوو و تونی وا وەهەمان شیوە لە نوان 10 تا 20 کیلۆمەترە لە هەر ساعاتیگ. 

و بەرزترین پلەیل گەرمای یەکەم رووژ جەژن وەی جویرەس: 

هەولێر ٤٣ پلە، سلێمانی ٤٢ پلە، دهۆک ٤١ پلە، کەرکوک ٤٦ پلە، هەڵەبجە ٤٣ پلە و سۆران ٤٢ پلە و راپەڕین ٤١ پلە و گەرمیان ٤٦ پلە.