شەفەق نیوز/ کەشناس ئاراس جەبار، لە مەزەنەیل کەشناسی راگەیان شەپۆلیگ وەفر و واران  ناوچەیل جیاواز گرێدەو.

ئاراس لە پۆستیگ لەبان تووڕەیل کۆمەڵایەتی راگەیان "رووژ پەنجشەممەی ئایندە، لەئەنجام کاریگەری نزمەپاڵەپەستۆ تورکیا وەبان ناوچەیل هەرێم کوردستان وە تایوەت باکوور هەرێم کوردستان، ئاسمان زیاتر ئاڵشتبوود ئەرا نیمەئەور و ئەور تەواو لە وەخت ئیوارە شەپۆلیگ وەفر وارین ناوچە جیاوازەیل گرێدەو و کاریگەری شەپۆلەگە وەبان ناوچەیل پارێزگایەیل  دھۆک و ئیدارەی سۆران و ناوچە کویەیل ھەولێر گورجترەو بوود، هاتێ وەفر وەفر بوارێد لەبان بەرزایەیەیل 800م لە ئاست روی دەریا، لە  پارێزگای سلێمانی و ھەڵەبجە و کەرکووک و ئیدارەی راپەرین و گەرمیان وەگشتی شەپۆلەگە ناوەندە تا کەمە  و وەفر لە بەرزی 1100 مەتر وارێد".

دیاریکرد، "پلەی گەرمی 1 تا 3 پلە نزمەو بوود، وا باشوور خوەرهەڵاتیش گاجاریگ گورجەوبوود 10-25کم/ک، کاریگەریی ئێ شەپۆلە لە بان فرەیگ ناوچەیل لە شەفەق رووژ جومعە 14/2/2025 کۆتایی تێد و لە ناوچەیل خوەرهەڵات ھەرێم كوردستان، نیمەڕووی رووژ جومعە کۆتایی تێد".

ئاراس جەبار رێژەی وەفر و واران مەزەنەکریاگ وەیجویرە خسیەسەروی:

پارێزگای دھۆک 15-40 ملم، بەفر 10-30 سم

پارێزگای ھەولێر 2-5 ملم، بەفر 5-30 سم 

پارێزگای سلێمانی 5-10 ملم، بەفر 2-7 سم

پارێزگای ھەڵەبجە 2-5 ملم، بەفر 1-3 سم

پارێزگای کەرکوک 1-5 ملم

ئیدارەی راپەرین 5-15 ملم ، بەفر 5-30 سم

ئیدارەی سۆران 15-35 ملم، بەفر 5-30 سم

ئیدارەی گەرمیان 2-7 ملم.