شەفەق نیوز/ شارەزایگ مژار کەشناسی شاڵاو هیدات، مەزنە کەێد زمسان ئایندە لە روی وەفر و واران زمسان سەختیگ بوود.

شاڵاو لەبان تووڕ کۆمەڵایتی بڵاوکردیە: " ئەرا زمسان ئایندە مەزەنەی وەفر وارین خاسیگ کەم ئەرا گشا هەرێم کوردستان، هاتێ ئێجارە لە سنوور هەولێر و دهۆک و کۆیە و ئیدارەی راپەرین وەگەرد ناوچەیل کویەیلەیش پشک زیاتریگ بکەفێدە وەریان لە وەفر دویاجار ناوچەیلتر جویر سنوور پارێزگای سلێمانی و هەڵەبجە و گەرمیان وە پلەی دویەم".

دیاریکرد، " لە چەن ناوچەیگ وەفروارین لە چەن ساڵ گوزەشتە زیاتر وارێد ک لەو وەختە زیاتر باس لەلی کەیمن، وە گشت پەێمانەیل وەفروارین لە گشت ناوچەیل لە پارەکە خاسترە و زمسان ئایندە هەم لە روی واران و هەم سەرما و وەفر سەختیگ هاوەڕیەو.