شەفەق نیوز/ شانه‌ی راگه‌یانن ئه‌منی عراق، ئمڕوو یەکشەممە، راگەیان 43 کووچبەر نایاسایی له سنوور پارێزگای سلێمانی هاتنە ئەرا ناو خاك عراق.
له بەیاننامیگ شانه‌ی راگه‌یانن ئه‌منی عراق هاتیە، ئاژانس هه‌واڵگری و لێكۆڵینه‌وه‌ی فیدراڵی له وه‌زاره‌ت ناوخۆ عراق توەنستنە 43 کووچبەر وڵاتەیل كیشوه‌ر ئاسیا ده‌سگیر بكه‌ن، ک وه نایاسایی له رێ وڵاتیگ هاوسا رەدبوینە ئەرا سنوور پارێزگای سلێمانی و هاتنە ناو خاك عراق.
دیاری کرد دویای ده‌سگیركردن ئه‌و کووچبەرە نایاسایەیلە، رێكار یاسایی وەرانوەریان گیریاسەوەر وەپای مادده‌ی 24 یاسای نیشته‌جیبوین عراق و رویوەرو دادگا کریەن.