شەفەق نیوز - هەولێر

وەزارەت کاروبار پێشمەرگە لە هەرێم کوردستان، ئمڕوو چوارشەممە، وەرگردن سیستەمیگ وەرگری ئاسمانی رەت کرد، و ئەوەیش لە وەڵام ئەوەگ میدیایەیل راگەیانن ناوخۆیی و پەڕەیل لەبان ماڵپەڕەیل پەیوەندی کۆمەڵایەتی بڵاویان کردنە ئەرا خەوەریگ کە خریاسە زوان سەرچەوەیگ لە وەزارەتەگە پەیوەندیدار وە رەسین سیستەمیگ وەرگری ئاسمانی ئەرا وەزارەتەگە.

 وەزارەتەگە لە بەیاننامەیگ وت، کە هیچ سەرچەوەیگ فەرمی لە وەزارەت کاروبار پێشمەرگە هیچ لێدوانیگ لەی باوەتە نەیاس، وە دووپاتکردن ئەوەگ ئی خەوەرە دۊرە لە راسی و وە تەواوی رەتی کەیمنەو.

بەیاننامەگە دووپات نەڕەسین هیچ جۊریگ لە سیستەمەیل وەرگری ئاسمانی ئەرا وەزارەت پێشمەرگە کرد.

 یەیش هاووەخت تیەێد وەرد داوای سەرۆک حکومەت هەرێم کوردستان مەسرور بارزانی، دۊەکە سێشەممە، لە حکومەت فیدراڵی لە بەغداد ئەرا دابینکردن سیستەمەیل وەرگری ئاسمانی ئەرا هەرێم کوردستان ئەرا نواگیریکردن پەلامارەیل فڕۆکە بیفڕۆکەوانەیل کە کوردستان لە وەختیگ ئەرا وەختیگ ترەک رویوەڕوییان بوودەو، وە دۊرخستن ئەگەر گلەوخواردن چالاکی گرووپە تیرۆریستییەیل لە عراق لە خود وەخت، دۊای کیشیان هاوپەیمان ناودەوڵەتی وە سەرکردایەتی وڵاتە یەکگرتگەیل.