شەفەق نیوز/ هێزەیل پێشمەرگە، ئمڕوو پەنجشەممە، قەور وە کۆمەڵ ئەفسەرەیل پۆلیس پەیاکردن ک وەلایەن چەکدارەیل داعش لە سێدارە دریانە، ئەوەیش لە شارۆچکەی کفری سەر وەئیدارەی گەرمیان هاوسنوور پارێزگای دیالە.
جێگر فەرماندەی محوەر قەرەتەپە -حەمرین لیوا محەمەد روستەم وە شەفەق نیوز وت: هێزیگ لە لیوای 144 هێزەیل پێشمەرگە و ئاسایش قەورسانیگ پەیاکردنە ک 10 تەرم ئەفسەر پۆلیس هاناوی لە ناوچەی مابەین ئاوای دراجی و غرەت لە باکوور کفری.
وتیش: "وەگورەی زانیاریەیلە، ئەو قەورسانە چوودەو ئەرا ساڵ 2018 و وەلایەن داعش لە سێدارەدریانە".