شەفەق نیوز/ وەزارەت پێشمەرگە لە حکومەت هەرێم کوردستان، ئمڕوو شەممە، ئاشکرا کرد ک جیوەجیکردن پلان هەماهەنگی ئەمنی هاوبەش وەگەرد وەزارەت وەرگری فیدراڵی گریە وە بوودجەی ٢٠٢٢ دریاگە.
جەبار یاوەر ئەمیندار گشتی وەزارەت پێشمەرگە، ئەرا ئاژانس شەفەق نیوز وت: وەزارەت وەرگری فیدراڵی یاداشتیگ وەگەرد وەزارەت دارایی و سەرۆکایەتی وەزیرەیل کردگە، و چاپیگ لە یاداشتەکە ئەرا وەزارەت پێشمەرگە ئەرا داوای شایستەی دارایی کل کردگە ئەرا سپۆنسەرکردن پلان هەماهەنگی هاوبەش و بڵاوکردن دوو لیوای هاوبەش لە دەوروگەرد خانەقین تا سنوور سوریا لەناوچەی سحیلە وەگورەی خاڵەیل رێککەفتنەگە.
و دووپات کرد ک وەزارەت دارایی و حکومەت فیدراڵی دووپات کردن ک شایستەی دارایی ئەرا پلان هەماهەنگی هاوبەش نریاسە ناو بوودجەی ٢٠٢٢ ئەرا سپۆنسەرکردن سەنین چەک و ئامێر جەنگی و ئەو خەرجەیلتر.
و دیاری کرد ک وەزارەت دارایی دووپات کرد ک هۊچ خاڵیگ لە بوودجەگە باس دامەزرانن یە زیایەیگ لە گشت وەزارەتەیل نەکردیە و وەزارەتەیل ئەمنییش وەیجۊرە.
یاوەر وتیش: هۊچ هووکاریگ یا گیچەڵیگتر نییە نوای جیوەجیکردن هەماهەنگی هاوبەش، بیجگە بوودجەی دارایی، ورێککەفتنەگە دویای دابینکردن شایستەیل ئەوەسا کەفێدە ئاست جیوەجیکردن.