عەمید جەمال وارانی، فەرماندەی لیوای 731 لە پێشمەرگە - میحوەر دوو، ئەرا ئاژانس شەفەق نیو وت: "هیزەیلمان لە ئۆپەراسیۆن (شمشیرەیل حەق) ک لە ناوەین پارێزگایل کەرکوک و دیالە و سەڵاحەدین  دەسوەپی کرد وە هاوکاری هیزەیل فیدراڵی و حەشد و پێشمەرگە، توەنستن ماشینیگ داعش ویران بکەن و دەس وەبان چەک و کەرەستەی سەربازی و خوازینەیل و دەرمان بنریەێد، لەناو میحوەرەگەمان ک لە بەڵکانە و دەسوەپی کەێد تا رەسێدە توزخورماتوو".

 وتیش: "ئۆپەراسیۆنەگە وەردەوامە و وە هەماهەنگییگ بەرز وەگەرد هیزەیل فیدراڵی و حەشد وەڕیەو چوود.

 لای خوەییش، عەقید حاکم کەریم ساتی، فەرماندەی لیوای 17 لە پیشمەرگە، ئەرا ئاژانس شەفەق نیوز وت: "ئۆپەراسیۆنەگە ناو میحوەرەگەمان، ک لە ناوچەیل غەرا و قوری چای و پەڵکانە تا رەسێدە کۆمپانیایل نەفت ناوەین  کەرکوک و سەڵاحەدین، وە سەرکەفتن وەردەوامە وەبی هیوچ گیچەڵیگ، و وە هاوبەشی وەگەرد لیوای نۆی پێشمەرگە و هیز فیدراڵی".

ساتی دووپات کردەوە "چەرداخ و تەنویر خەڕگین و کەرەستەیل خوەراک ئەندامەیل داعش پەیا کریا، و وەبی پەیاکردن یا دەسگیرکردن یەکیگ لە ئەندامەیل ریخریایەگە"، وتیش: "ئۆپەراسیۆنەگە لە گشت میحوەرەیل ناوەین ئۆپەراسیۆنە هاوبەشەیل و پێشمەرگە وەردەوامن".