شەفەق نیوز/ ئەمەل جەلال خانمە سەرۆک دەزگای گشتی گەشتوگوزاری لە حکومەت هەرێم کوردستان، ئمڕوو شەممە، باسیگ لە رویداو شکیان "کەشتی نووح" لە شار بازی "دەروازە ستی" لە قەڵادزێ لە پارێزگای سلێمانی کرد، ک بویە هووکار زەخمداری بڕیگ مناڵ.    

وەڕێەوبەرایەتی پۆلیس قەڵادزێ، رووژ پەنجشەممەی گوزەشتە وت: ١٤ هاووڵاتی لەوەر شکیان بازی "کەشتی نووح" لە شار بازی قەڵادزێ زەخمدار بوین، و بریانە خەسەخانەی "شەهیدان قەڵادزێ" و دەسکریا لێکۆڵینەوە لە هووکارەیل پەککەفتنی.   

جەلال خان لە بەیاننامیگ رەسیە ئاژانس شەفەق نیوز وت: وە خەفەت قویلیگ و نیگەرانی لە رویداو شکیان بازی کەشتی مناڵەیل لە قەڵادزێ ئاگادار کریام، ک بویە هووکار زەخمداری ١٤ مناڵ، و باس لە ئومیدی لەوە کرد ک بوودە دویاترین کەلەمە و دووارەو نەوود، و ئەرا گشت زەخمدارەیل خێر و خاسەوبوین لە نزیکترین وەخت خوازێد. 

وتیش: سوپاس گشت کارکەرەیل لە پۆلیس فریاکەفتن وخەسەخانە کەیمن ک وە کوتپڕ ودڵسووزی رەسینە زەخمدارەیل و روی کردنە شوین رویداوەگە وئەرک خوەیان جیوەجی کردن، و داوا لە وەڕیەوبەرەیل شار بازی گەشتوگوزاری کرد پابەند وە ورینمایل وەرگری شارستانی و لایەنەیل پەیوەندیدار بوون، وەخاتر مقەیەتیکردن مناڵەیل.