شەفەق نیوز/ نوێنەریگ لە پارت دیموکرات کوردستان، ئمڕوو یەکشەممە، دووپات کرد کە سەردان نێچیروان بارزانی سەرۆک هەرێم کوردستان ئەرا یەکلاییکردن باوەت مووچەی فەرمانبەرەیل هەرێم کوردستان و راسەوکردن یەکیگ لە مادەیل یاسای بودجەی فیدڕاڵی، و نوێنەریگ لە هاوپەیمان دەوڵەت یاسا مەزەنە کرم گردەوبوینەیل بارزانی وەرۆ چوارچیوەی هەماهەنگی بڕەسێدە چارەکردن باوەت مووچەیل.

سەباح سوبحی ئەندام دەسەی نەفت لە پەرلەمان و نوێنەر پارتی ئەرا ئاژانس شەفەق نیوز وت: شاند هەرێم کوردستان وە سەرۆکایەتی نێچیروان بارزانی سەرۆک هەرێم کوردستان وەگەرد رەسینی ئەرا بەغداد وەگەرد سەرۆک وەزیرەیل و پەرلەمان و کۆمار و بڕیگ لە سەرکردەیل سیاسی گردەو بوود.

دیاری کرد کە لە دیدارەیل باس مووچەی فەرمانبەرەیل و راسەوکردن مادەی 12 لە یاسای بودجەی فیدڕاڵی کریەێد، هەمیش باس دووارە هەناردەکردن نەفت لە کڕ جیهانی تورکی و شایستەیل کۆمپانیایل ناو هەرێم کریەێد.

لەلای خوەییش، باقر ساعدی نوینەر دەوڵەت یاسا ئەرا ئاژانس شەفەق نیوز وت: گردەوبوین سەرۆک هەرێم کوردستان وەرد چوارچیوەی هەماهەنگی لە بەغداد، مەزەنە کریەێد بڕەسێدە چارەکردن قەیران مووچەیل.

  وتیش: لە دیدارەگە باس هەڵوژاردن پەرلەمان هاتگیش کریەێد.

چەوەڕی کریەێد نێچیروان بارزانی سەرۆک هەرێم کوردستان، ئیوارەی ئمڕوو یەکشەممە، بڕەسێدە بەغداد، ئەرا بەشداریکردن لە گردەوبوین ئیدارەی دەوڵەت، و باوەتەیل مووچەیل فەرمانبەرەیل هەرێم زۆرترە و بودجە و هەناردەی نەفت و هەڵوژاردن هاتگ وەگەرد خوەی هەڵگرێد.