له‌ى باوه‌ته‌و، هێمن هه‌ورامى وه‌پرس په‌يوه‌نديه‌يل خارجى له پارت ديموكرات كوردستان له لاپه‌ڕه‌ى تايبه‌ت ماڵپه‌ڕ په‌يوه‌نديه‌يل كومه‌ڵايه‌تى ك(شه‌فه‌ق نيوز)ئاگادارى بوى، وت: سوو نه‌يچێروان بارزانى سه‌ردان به‌غدا ئه‌كا ئه‌را دانيشتن وه‌ل حه‌يده‌ر عبادى سه‌رۆك حكومه‌ت و باڵوێز ئه‌مريكى و وه‌رپرسه‌يل فه‌رمى.
جى باسه، ساڵ گوزه‌يشت هه‌ولێر و به‌غدا له‌بان ئه‌وه ريككه‌فتن ك هه‌ولێر 550 هه‌زار به‌رميل نه‌فت رووژانه له‌ڕى لويله‌يل نه‌فتى كوردستان – توركيا هه‌نارده بكا له به‌رژه‌وه‌ندى كومپانياى نه‌فت سۆمۆ، وه جووريگ ك 300 هه‌زار به‌رميلى له سه‌رچه‌وه‌يل نه‌فتى كه‌ركووك و باقيه‌گه‌يشى له سه‌رچه‌وه‌يل نه‌فتى هه‌رێم كوردستانه‌و بدى و له‌وه‌رانوه‌ر ئه‌وه‌يش حكومه‌ت به‌ش هه‌رێم له بودجه‌ى گشتى ك 17% بوى ره‌وانه‌ى هه‌رێم بكا، وه‌لێ دياره هه‌ردوگلا جارجاريگ تومه‌تبار يه‌كترى ئه‌كه‌ن له مه‌سه‌له‌ى پايه‌ندى وه‌و ريككه‌فتنه.