شه‌فه‌ق نيوز/ شاند حكومه‌ت هه‌رێم كوردستان باس له‌وه كرد ك ده‌سله‌كاركيشانه‌وه‌ى عادل عه‌بدولمه‌هدى سه‌رۆك ئه‌نجومه‌ن وه‌زيره‌يل له پۆسته‌گه‌ى كاريگه‌رى ناكاده بان ريڕه‌و دانيشتنه‌يل وه‌رده‌وام له‌باره‌ى پرووژه ياساى بودجه‌و باس له‌وه‌يش كرد سوو يه‌كشه‌ممه شانده‌گه سه‌ردان به‌غدا ئه‌كا.
له‌ى باوه‌ته‌و، خالد شوانى وه‌زير هه‌رێم له لێدوانيگ رووژنامه‌گه‌رى وت: سه‌رۆك ئه‌نجومه‌ن وه‌زيره‌يل ده‌سله‌كاركيشانه‌وه‌ى خوه‌ى پيشكه‌ش كرد و ئيمه‌يش نه‌بايه‌د بكه‌فيمنه نواى رويداگه‌يل و بايه‌سه چه‌وه‌ڕێ بكه‌يم چه روێ ئه‌ياد.
شوانى وت: ئيمه سه‌ردان به‌دا ئه‌كه‌يم و دائه‌نيشيم وه‌ل لايه‌نه‌يل عراقى له‌وه‌ر ره‌سين ئه‌را ريككه‌فتنيگ كووتايى له‌باره‌ى ياساى بودجه‌و چگن ئه‌را پيشكه‌شكردن پرووژه ياساگه‌ى ئه‌را ئه‌نجومه‌ن نوێنه‌ره‌يل له‌وه‌ر جيگيركردنى.
جى باسه، شوانى هه‌ميش وت: گفتگووه‌يل و ريككه‌فتنه‌يلمان وه‌ل ده‌زگايه‌يل ده‌وڵه‌ته نه‌ك كه‌سه‌يل و سوويش سه‌ردان به‌غدا ئه‌كه‌يم له‌وه‌ر خاتر ره‌سين وه ريككه‌فتنيگ كووتايى له‌باره‌ى بودجه.